جننو بعدين حبو

اعشقـه لكـن بـعـد ماتقهـره
ابتسـم لـه بـس لاشفتـه كسيـر

حـن لكـن حـن لاجبـت اخبـره
حـب لكـن خـل حبـك بالأخيـر

لو عطيته وجهك أعطـاك ظهـره
صد عنه ويتبعـك مثـل الضريـر

لاتـحـاول تكسـبـه ماتخـسـره
صير ثلج يصير لك مثـل السعيـر

ماتميـل الا الغـصـون المثـمـره
ومايسيل من الجـروح الا الغزيـر

من قبـل لاتنقهـر منـه أقهـره
قبـل لايستحقـرك خلـك حقـيـر

اسكنه،حـركـ جـموده، بـعثره
عشق،أكره،عاتب،أشره،حن،غيـر

أنثـره ،لملمـه ، لملمـه ، أنثـره
صد يا أخي طير لـو تقـدر تطيـر

مـن متـى ونـا تحرالـي مــره
تثبت أنـي لاوقعـت أوقـع كبيـر